ដឹងអីខ្លះពី Sonata ២០១២? Trackback
ចាប់តាំងពីបានបង្ហាញខ្លួនក្នុងឆ្នាំ ២០១១ រថយន្ត Hyundai Sonata (i45 ) ហាក់ដូចជាទទួលបានការគាំទ្រយ៉ាងខ្លាំងពីសំណាក់អតិថិជននៅលើ ពិភពលោកជាពិសេសនៅកូរ៉េខាងត្បូង។ រឹតតែអស្ចារ្យជាងនេះនោះ បន្ទាប់ពី Hyundai បានបង្ហាញ Sonata ស៊េរី ២០១២ កាលពីឆ្នាំទៅមក បានធ្វើឲ្យអតិថិជនកាន់តែចាប់អារម្មណ៍ខ្លាំងឡើងៗ។តើ Sonata ស៊េរី ២០១២ នេះមានអ្វីទំនើបខ្លះទៅ បានធ្វើឲ្យវាមានកិត្តិនាមល្បីល្បាញយ៉ាងនេះ? បើចង់ជ្រាបច្បាស់សូមស្វែងយល់ពីផលិតផលនេះទាំងអស់គ្នាដូចខាង ក្រោម៖
Hyundai Sonata ជារថយន្ត Sedan (ទ្វារ៤) មានក្បាច់រចនាល្អពណ៌សម្បុររលើបរលោងស្រស់ស្អាតពោរពេញទៅដោយភាព ទាក់ទាញ។ មិនតែប៉ុណ្ណោះរថយន្តស៊េរីថ្មីនេះមានរាងហាប់មាំមានលំនឹងល្អ ក្នុងការបើកបរ។
បំពាក់ដោយកៅអីស្បែក ៥កៅអីដែលមានភាពទន់ល្មើយងាយស្រួលអង្គុយ និងអាចបត់បែនបាន។ រីឯខ្នើយកៅអីអាចការពារក្បាលបានល្អទោះបីមានការប៉ះទង្គិច។ ម្យ៉ាងទៀត Sonata មានផ្ទៃខាងក្នុងធំទូលាយ តាប្លូមានការរចនាយ៉ាងស្រស់ស្អាតផ្ដល់ផាសុកភាពខ្ពស់ដល់អ្នក ប្រើប្រាស់។ ផ្នែកខាងក្នុងមាន ៣ពណ៌ចម្រុះគ្នារួមមាន ពណ៌ខ្មៅ -ប្រផេះ-ពណ៌ត្នោតខ្ចី។
Cat-eyed HID ជាប្រភេទភ្លើងហ្វារដែលមើលបានឆ្ងាយនិងច្បាស់ល្អនៅពេលយប់។
រថយន្តនេះមានដំបូលបង្អួចធំទូលាយអាចឲ្យខ្យល់ចូលបានស្រួល។
កញ្ចក់មើលខាងរបស់រថយន្តនេះបំពាក់ដោយប្រព័ន្ធភ្លើង LED ដែលវានឹងលោតភ្លើងភ្លើងថជាសញ្ញាប្រាប់ឲ្យដឹង។
ESPមកពីពាក្យថា Electronic Stability Program ជាប្រព័ន្ធគ្រប់គ្រងលំនឹងអេឡិចត្រូនិក។ ប្រព័ន្ធនេះអាចគ្រប់គ្រងលំនឹងរថយន្តមិនឲ្យរេបានយ៉ាងល្អប្រសើរ នៅពេលរថយន្តបើកក្នុងល្បឿនលឿនយ៉ាងណាដោយ។
ដើម្បីឲ្យមានសុវត្ថិភាពខ្ពស់ Sonataត្រូវបានគេបំពាក់ឲ្យមានពោងសុវត្ថិភាពចំនួន ៦កន្លែងរួមមានពោងវាំងននចំនួនពីរ ពោងសុវត្ថិភាពខាងផ្នែកខាងមុខចំនួនពីរ ពោងសុវត្ថិភាពការពារក្បាលអ្នកដំណើរខាងមុខ និងពោងនៅលើដៃចង្កូត។
ក្រុមហ៊ុន Hyundai បំពាក់ប្រព័ន្ធជំនួយពេលឡើងចំណោត Hill-start Assist Control (HAC) ដើម្បីឲ្យរថយន្តមានលំនឹងល្អនៅពេលឡើងចំណោត (ដូចរូប)។
ABS កមពីពាក្យថា Brake Assist System ជាប្រព័ន្ធហ្រ្វាំងជំនួយពិសេស។ ABSមានតួនាទីជួយបញ្ឈប់រថយន្តឲ្យនៅនឹងថ្កល់ដើម្បីកុំឲ្យរថយន្ត ជ្រុលហួសទៅបុកនឹងឧបសគ្គខាងមុខ។
អ្វីកាន់តែពិសេសម៉ាស៊ីនរបស់ Sonataដើរអូតូ (ស្វ័យប្រវត្តិ) នឹងឆាប់ត្រជាក់។
បើងាកមកមើលប្រព័ន្ធ Rear Parking Assist System មានមុខងារប្រាប់ឲ្យអ្នកបើកបរដឹងថារថយន្តចត់នៅខាងក្រោយមាន គម្លាតជិតពេក។
កាន់តែទំនើបជាមួយកៅអីកម្ដៅនិងកៅអីត្រជាក់។ នៅពេលអាកាសធាតុក្នុងរថយន្តនោះកៅអីនឹងបញ្ចេញកម្ដៅ ប៉ុន្តែប្រសិនបើអាកាសក្ដៅវានឹងបញ្ចេញភាពត្រជាក់វិញ។
ជាមួយនឹងបច្ចេកវិទ្យា Engine Start Button លោកអ្នកមិនចាំចាច់កាច់សោនោះទេ ផ្ទុយទៅវិញគ្រាន់តែចុចប៊ូតុង Engine Start Button ជាការស្រេច។
កាន់តែប្លែកឃ្លុបដាក់ស្រោមដៃ Cooling Glove Box មានភាពត្រជាក់ជានិច្ចដែលអាចក្លា សេភេសជ្ជៈផ្សេងៗបានយ៉ាងងាយស្រួល។
ចង្កឹះលេខអូតូ
ចង្កឹះលេខដៃ
Hyundai Sonataជារថយន្តបើកដោយកាឡេកង់មុខ (FWD) បំពាក់មកជាមួយនូវលេខអូតូ/ដៃ ៦វគ្គមានម៉ាស៊ីនសាំងប្រភេទ 2.0 NU MPi ទំហំ ២០០០សេសេផ្ដល់កម្លាំងថាមពល ១៦២សេះនូវរង្វាស់ជុំ ៦,៥០០ជុំ/នាទីនិងមានល្បឿនអតិបរមា ២០៦គីឡូម៉ែត្រក្នុងមួយម៉ោង។
អ្វីដែលអតិថិជនចង់បាននោះគឺ Sonata មានអត្រាស៊ីប្រេងតិចក្នុងក្រុង ១១,២លីត្រ/១០០គ.ម និងស៊ីប្រេង ៦,១លីត្រ/១០០គ.ម ប៉ុណ្ណោះសម្រាប់ផ្លូវជាតិ។
សូមបន្តតាមដានវីដេអូឃ្លិបខាងក្រោម៖
ចុចត្រង់នេះ ដើម្បីស្វែងយល់ផលិតផលបច្ចេកវិទ្យាថ្មីៗ
