ស្ទើរមិនលស់ថ្ងៃណាឡើយ ផ្លូវក្រាលកៅស៊ូមួយខ្សែតែងនាំភ្ញៀវទេសចរណ៍ចេញពីទីរួមខេត្តបាត់ដំបង ទៅកម្សាន្តនៅតំបន់រមណីយដ្ឋានដ៏ល្បីមួយ
នោះគឺភ្នំបាណន់។
រម្មណីយដ្ឋាននេះស្ថិតនៅចង្ងាយប្រមាណជា២៥គីឡូម៉ែត្រពីទីរួមខេត្ត
បាត់ដំបង ដែលគេអាចធ្វើដំណើរទៅដល់ទីនោះតាមឡាន ម៉ូតូ ឬរឺម៉ក។
ហេតុ អ្វីបានជាប្រជាជនមកពីគ្រប់ទិសទីនិយមទៅលេងតំបន់នោះ? តើតំបន់នោះមានអ្វីពិសេស? រមណីយដ្ឋានភ្នំបាណន់នេះ មានប្រាសាទបុរាណមួយនៅលើកំពូលភ្នំ និងល្អាងពីរនៅពីខាងក្រោយភ្នំ ដែលទាក់ទាញមនុស្សម្នាទៅកម្សាន្តមិនសូវដាច់ឡើយ។
អ្វីដែល ពិសេសរបស់តំបន់រមណីយដ្ឋាននេះ គឺភ្ញៀវទេសចរណ៍ទាំងឡាយអាចអង្គុយទទួលទានអាហារ កម្សាន្តសប្បាយ ក្រោមម្លប់ឈើត្រជាក់ នៅក្បែរមាត់បឹង ដែលមានទឹកថ្លាយង់។ អ្នកខ្លះតែងឡើងទៅលើភ្នំដែលមានប្រាសាទបាកបែកនៅលើនោះ តាមជណ្ដើរបុរាណជាច្រើនកាំ។
អ្វីដែលរឹតតែធ្វើឲ្យរមណីយដ្ឋាន ប្រាសាទបាណន់នេះទាក់ទាញកាន់តែខ្លាំង គឺតាមដងផ្លូវទៅកាន់ទីនោះ ប្រជាជនបានដាំដំណាំថ្មីមួយប្រភេទ នោះគឺទំពាំងបាយជូ មុនគេបង្អស់ក្នុងស្រុកខ្មែរ។ ឥឡូវទំពាំងបាយជូរបស់ប្រជាជនខ្មែរនៅទីនោះផលិតបានជាស្រា ដែលចូលរួមទាក់ទាញភ្ញៀវពីគ្រប់ទិសទី មកភ្លក់ និងមើលផ្លែទំពាំងបាយជូទាំងនោះ ជារៀងរាល់ថ្ងៃ។
អីចឹង បើប្រិយមិត្តមិនទាន់បានទៅទស្សនាតំបន់រម្មណីយដ្ឋាននេះទេ ពេលមានឱកាសបានទៅបាត់ដំបង គួរឆៀងចូលលេងបន្តិចទៅ។ ទាំងម្ចាស់ចម្ការទំពាំងបាយជូ និងរមណីយដ្ឋានប្រាសាទបាណន់នឹងស្វាគមន៍អ្នកមិនឲ្យខកចិត្តឡើយ។
អត្ថបទ៖ មាស រ័ត្ន
ហេតុ អ្វីបានជាប្រជាជនមកពីគ្រប់ទិសទីនិយមទៅលេងតំបន់នោះ? តើតំបន់នោះមានអ្វីពិសេស? រមណីយដ្ឋានភ្នំបាណន់នេះ មានប្រាសាទបុរាណមួយនៅលើកំពូលភ្នំ និងល្អាងពីរនៅពីខាងក្រោយភ្នំ ដែលទាក់ទាញមនុស្សម្នាទៅកម្សាន្តមិនសូវដាច់ឡើយ។
អ្វីដែល ពិសេសរបស់តំបន់រមណីយដ្ឋាននេះ គឺភ្ញៀវទេសចរណ៍ទាំងឡាយអាចអង្គុយទទួលទានអាហារ កម្សាន្តសប្បាយ ក្រោមម្លប់ឈើត្រជាក់ នៅក្បែរមាត់បឹង ដែលមានទឹកថ្លាយង់។ អ្នកខ្លះតែងឡើងទៅលើភ្នំដែលមានប្រាសាទបាកបែកនៅលើនោះ តាមជណ្ដើរបុរាណជាច្រើនកាំ។
អ្វីដែលរឹតតែធ្វើឲ្យរមណីយដ្ឋាន ប្រាសាទបាណន់នេះទាក់ទាញកាន់តែខ្លាំង គឺតាមដងផ្លូវទៅកាន់ទីនោះ ប្រជាជនបានដាំដំណាំថ្មីមួយប្រភេទ នោះគឺទំពាំងបាយជូ មុនគេបង្អស់ក្នុងស្រុកខ្មែរ។ ឥឡូវទំពាំងបាយជូរបស់ប្រជាជនខ្មែរនៅទីនោះផលិតបានជាស្រា ដែលចូលរួមទាក់ទាញភ្ញៀវពីគ្រប់ទិសទី មកភ្លក់ និងមើលផ្លែទំពាំងបាយជូទាំងនោះ ជារៀងរាល់ថ្ងៃ។
អីចឹង បើប្រិយមិត្តមិនទាន់បានទៅទស្សនាតំបន់រម្មណីយដ្ឋាននេះទេ ពេលមានឱកាសបានទៅបាត់ដំបង គួរឆៀងចូលលេងបន្តិចទៅ។ ទាំងម្ចាស់ចម្ការទំពាំងបាយជូ និងរមណីយដ្ឋានប្រាសាទបាណន់នឹងស្វាគមន៍អ្នកមិនឲ្យខកចិត្តឡើយ។
អត្ថបទ៖ មាស រ័ត្ន
