ប្រជាពលរដ្ឋប្រមាណ ១០០នាក់ ខ្លះមកពីស្រុកភ្នំក្រវាញ ខ្លះមកពីស្រុកក្រគរ និងខ្លះទៀតមកពីស្រុកវាលវែង បានលើកគ្នាមកសាលាខេត្តពោធិ៍សាត់ ក្នុងបំណងទាមទារឲ្យអាជ្ញាធរខេត្តជួយដោះស្រាយបញ្ហាជម្លោះដីធ្លីជាមួយក្រុមហ៊ុនសម្បទានដីសេដ្ឋកិច្ចមួយចំនួនក្នុងខេត្តនេះ។
ដោយអស់ជំនឿចំពោះការដោះស្រាយរបស់រដ្ឋាភិបាលក្នុងជម្លោះដីធ្លី ក្រុមសហគមន៍បឹងកក់ បានទៅសុំអន្តរាគមន៍ពីស្ថានទូតកូរ៉េខាងត្បូង ប្រចាំប្រទេសកម្ពុជា វិញម្តង ដើម្បីឲ្យជួយជំរុញទៅរដ្ឋាភិបាលដោះលែងលោកស្រី យ៉ោម បុប្ផា និងដោះស្រាយដីជាង ១២ហិកតារ។
ប្រជាពលរដ្ឋប្រមាណ ៧០នាក់ មកពីស្រុកចំនួន៣ផ្សេងគ្នា មកពីខេត្តកោះកុង បាននាំគ្នាមកសុំអន្តរាគមន៍នៅក្រសួងរៀបចំដែនដី នគរូបនីយកម្ម និងសំណង់ នៅថ្ងៃទី៧ ខែឧសភា ឆ្នាំ២០១៣ ចំពោះករណីទំនាស់ដីធ្លីរបស់ពួកគាត់ ដែលបានអូសបន្លាយអស់ជាច្រើនឆ្នាំមិនមានដំណោះស្រាយ។
ប្រជាពលរដ្ឋចំនួន ១០គ្រួសារ នៅភូមិក្រឡាញ់ បានចោទប្រកាន់ក្រុមហ៊ុនសម្បទានដីសេដ្ឋកិច្ច ភាពីម៉ិច (PHEAPIMEX) ថាបានរំលោភយកដីធ្លីរបស់ពួកគាត់ បើទោះបីជាអ្នកភូមិទាំង ១០គ្រួសារនេះមានប្លង់កម្មសិទ្ធិដីដែលផ្ដល់ដោយមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តរួចហើយក៏ដោយ។
0 comments:
Post a Comment